Ризница:Први чекори
.svg)
Што е Ризницата?
Со десетици милиони податотеки, Ризницата е една од најголемите семрежни складишта во светот. Изградена е со трудот на илјадници доброволци и нуди образовни слики, видеа и звучни снимки кои се користа на Википедија и другите проекти на непрофитната Фондација Викимедија. Сите дела на ризницата се под „слободна лиценца“. Ова значи дека нив може да ги користи и споделува секој, бесплатно, само следејќи ги лиценцните правила — обично наведувајќи го авторот и запазувајќи ја истата лиценца за да можат истото да го прават и други.
Зошто да учествувам на Ризницата?
Замислете си свет каде секое човечко битие има слободен удел во севкупното знаење. Вашите придонеси можат да бидат дел од тоа. Кога споделувате слики и други податотеки на Ризницата и илустрирате википедиски статии со нив, вашиот труд може да го видат илјадници, па и стотици илјадници луѓе ширум светот. Помагате да изградиме заеднички ресурс кој опслужува уште поширока публика; податотеките од Ризницата се користат на образовни мрежни места, во медиумите, на блоговите, кај уметниците, режисерите, учениците и студентите, наставниците и многу други.
